Опубликовано: 05 February 2018

Пельняньлэн дунневыл нуналэз

1 – 10-тӥ тулыспалэ Удмуртиын «Пельняньлэн дунневыл нуналэз» фестиваль улсын трос ужрадъёс ортчозы. Фестиваль улосысьтымы пӧртэм выжыысь калыкъёсты огазеяса возьматоз калыкъёслэсь лулчеберет узырлыксэс но куно пумитаны быгатэмзэс.

10 нунал ӵоже мылкыд карисьёс пӧртэм интыыосын турлы пуштросо пельнянь пӧраны но оскалтыны быгатозы. Дуннеысь вань пельняньёс луозы асьмен ӝӧк выламы, нош быдэс шаер – асьмен фестивалямы, «Пельнянь шудонъёсын»!

Туэ ужрадлэн географиез паськытгес луэмын, фестивале Россилэн мукет улосъёсысьтыз но мылкыд карисьёс пыриськозы. Ваньзы соос пельнянь выллем сиёнъёслэсь узырлыксэс возьматозы, гастрономи удысын тужгес зол но узыр улос ним басьтон понна нюръяськозы. Узырмытэмын фестиваль мастер-классъёсын но, соос 10 нунал ӵоже пӧртэм интыоосын ортчылозы.

Куноос понна тур маршрутъёс дасямын. Россиысь пӧртэм улосъёсысь шеф-поваръёс йӧскалык сиёнъёсты пӧраны быгатэмзэс возьматозы, мастер-классъёсын пельнянь кутыны дышетозы.

Фестивальлэн валтӥсь нуналаз, 10-тӥ тулыспалэ, Ижкарысь шор площадьын, Калыкъёслэн эшъяськонзылы сӥзем монумент дорын но Иж тымет ярдурын ужалозы пӧртэм пумо площадкаос. Ӵапак татчы интыяськозы пельнянен вузкарисьёс, спорт шудонъёсын площадкаос, пичи куноослы «Шудон корка» азбар. Фестиваль радъясьёс но соослэн эшъёссы малпазы выль вожвылъяськонъёс но ӵошатсконъёс, кузьымъёс. Нош «Зарни пельнянь - 2018» премиез басьтоз со, кинлэн пельнянез понна калык тросгес куаразэ сётоз.

Вакчияк ивортодэт:

«Пельняньлэн дунневыл нуналэз» фестиваль 2015-тӥ арысен арлы быдэ радъяське «Удмуртия – пельняньлэн дорез» брендэз азинтон улсын. Валтӥсь ужпумъёсыз – шаермы сярысь ивор кунмылэн мукет сэрегъёсаз вӧлмытон, шаермес тодмо карон, удмурт калык лулчеберетэз вӧлмытон.

Фестиваль Russian Event Awards и Eventиада Awards йӧскалык премиосын кыкетӥ инты басьтэмын. Фестивальлэн синпелетэз «Туристический сувенир» вожвылъяськонын «Сувенир события» (2016 г) Гран-при басьтӥз. Турист премияя «Маршрут Года 2016» вожвылъяськонын «Лучший событийный туристический маршрут» номинациын туристъёслы «Пельменный уикенд» маршрут нырысетӥ инты басьтӥз. 2017-тӥ арын Фестиваль калык кусыпъёсты азинтон удысысь «Серебряный лучник» премилэсь приззэ утӥз.

Фестивальлэн нимлыко бамез - http://www.pelmenfest.ru.

"Вконтакте" группа - https://vk.com/pelmenfest



Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,