ОбъектъсОбъектъс


"Ныл гимназия. "Горд корпус", 1915-тӥ ар"

"1907-тӥ аре Вятка губерниысь Сарапул уездысь Иж завод бордын нылъёслы мерлыко прогимназия усьтӥськиз.

Со интыяськиз ӝыныезъя излэсь лэсьтэм кык этажъем юртын, Березин генераллэн азьвыл корказ Береговой урамын (али – Свердлов урам): отын вал дышетскыны дасясь пичи но бадӟым классъёс, озьы ик 1-тӥ но 2-тӥ огшоры (нормальной) классъёс. Прогимназия Кузонысь дышетсконъя улосвылэ пыриз но солэн ужъёсыныз Калыкез югдытонъя министерство тыршиз.

Иж завод котырысь та нырысетӥез шоръёзо дышетсконни вал. Прогимназие гуртын улӥсьёслэсь, Иж заводын ужасьёслэсь, подъясьёслэсь нылпиоссэс кутӥзы. Ижкарысь ныл прогимназиын 1910-тӥ арлы одӥгез дышетскыны дасясь, куинез параллельной, витез валтӥсь (основной) классъёс вал, кудъёсыз кык – «пурысь» но «горд» – корпусъёсын интыяськизы.

Кузонысь дышетсконъя улосвыллэн попечителез юнматэмъя, 1911-тӥ аре 1-тӥ пӧсьтолэзе прогимназия сизьым классъем ныл гимназия каремын вал. Отын 528 нылъёс дышетскизы, соос пӧлысь ньыль сю кызез гуртын улӥсьёслэн но Ижысь пыӵал-тӥрлык но андан поттонъя заводъёсысь ужасьёслэн нылпиоссы вал. Гимназиын дышетӥсьёслэн асьсэ кенешсы вал, кудӥз дышетсконэн но визь-нодъянэн герӟаськем уж нуиз. Котькуд класслы быдэ чаклась кышномурт пуктэмын вал. Быдӟым Октябрь революция бере, 1918-тӥ аре шуркынмонэ, школа ужез меӵак воштонэн валче, Ижысь ныл гимназилэн инъетэз вылын кыкетӥ ступеньысь 1 номеро Огъя Ужлыко советской школа кылдытэмын вал.

Удмурт Элькун Кивалтэтлэн 2001-тӥ аре 17-тӥ куарусёнэ кутэм 966-тӥ номеро пуктэтэзъя, кудӥз «Удмурт Элькунысь калыклэн историысьтыз но лулчеберетысьтыз недвижимой объектъёссэ интывылъя (Удмурт Элькунъя) историлэн но лул-чеберетлэн синпелетэныз лыдъян сярысь» нимаське, лулчеберето кылёсбурысь объектъёс радэ пыртэмын."

Страна:
Россия
Город:
Ижевск
Адрес:
Свердлов урам, 30
04.07.2014
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,