ОбъектъсОбъектъс


"Удмурт кун университетлэн юртэз (2-тӥ корпус). А.С. Пушкинлы синпелет."

1933-тӥ аре пединститутлэсь юртсэ лэсьтонъя дасяськон ужъёс кутскизы, солэн ӵектосэз 1934-тӥ аре 13-тӥ пӧсьтолэзе РСФСР-лэн Наркомпросэныз юнматэмын вал. Озьы ке но пуктэм планъёс ӧз быдэсъяське, висъям коньдонэз быдэсак уже кутыны ӧз пӧрмылы. 1939-тӥ аре 22-тӥ южтолэзе УГПИ УдГУ-лэн туала 2-тӥ корпусаз выжиз. Ужез йылпумъям сярысь ужкагазын пусъемын: 800 дышетскисьёслы ньыль этажъем юрт, ваньмыз инты 30395 м3, дуныз 1580 сюрс манет. Ож вакытэ, 1941-тӥ арысен 1944-тӥ арозь, УГПИ-лэн 1-тӥ корпусаз (УдГУ-лэн 2-тӥ корпусэз) Лениградысь выжтэм артиллери училище интыяськиз. 1944–1945-тӥ аръёсы гинэ УГПИ валтӥсь корпусаз берытскиз.

ВКП(б)-лэн обкомезлэн бюроезлэн пуктэтэзъя 1945-тӥ аре гужем дышетскон корпусэз «Удмуртстрой» тупатъяны кулэ вал. Чаклам ужез 25-тӥ гудырикошконлы, выль дышетскон ар кутскемлэсь азьло, быдэстыны кулэ вал. Но лэсьтон-тупатъян уж 2-тӥ куарусёнэ гинэ кутскиз, соиз но партийной органъёслэн но институтлэн ӝот-ӝот косэмзыя. 1946–1947-тӥ дышетскон аре юрт октымтэ-калтымтэ тусо вал, борддоръёсын но выж вылын гопъем интыос пумиськылӥзы.

УГПИ-лэн нырысетӥ юртаз (2-тӥ корпус) историяя, кылъя но литературая, кунгож кылъёсъя факультетъёсысь студентъёс дышетскизы (ог 850 адями). Огъя инты 6071 м² вал, со пӧлысь 2752 м² аудиториослы но лабораториослы висъямын луиз. 20 аудитория 25 адями тэрымон вал, кыкез – 50 адямилы чакламын, одӥгез – 150 муртлы. 23 висъетын кабинетъёс но лабораториос интыяськизы. Со сяна, физкультурая зал, актовый зал но библиотека (235 м²) вал. Нимысьтыз лыдӟонвисъет ӧй вал, солэсь ужзэ кафедраос бордысь кабинетъёс быдэсъязы, отын огдыре 40–50 мурт пукыны быгатӥзы.

1971–1972-тӥ аръёсы УдГУ кылдэм бере УГПИ-лэн 2-тӥ корпусэз УдГУ-лэн 2-тӥ корпусэз луэ. 2002-тӥ аре Удмуртской урам вамен выжон-потан ужаны кутске, со УдГУ-лэсь 1-тӥ но 2-тӥ корпусъёссэ герӟа. 2003-тӥ аре 2-тӥ корпус вӧзысь сквер утялтэмын вал но А.С. Пушкинлы туй-ыргонлэсь синпелет усьтӥськиз (скульпторъёсыз – А.Н. Бурганов но И.А. Бурганов). 2011-тӥ аре УдГУ-лэн 2-тӥ корпусысьтыз Мувӧйъя корпусэ выжон усьтӥськиз.

Страна:
Россия
Город:
Ижевск
Адрес:
Университетская урам
04.07.2014
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,