Офицеръёслэн азьвыл люкаськонзылэн (ӧтчамзылэн) юртсы


1843–1845-тӥ аръёсы инженер-капитанлэн А.П. Семеновлэн ӵектосэзъя лэсьтэмын вал маке быдӟа кык этажъем из юрт, отчы вань администраци ужъюртъёсты интыяны чакламын вал. Солэсь кулэлыксэ таӵе учыр возьматэ. Фасадъёслэсь чертежъёссэс, кыкезлэсь ик этажъёслэсь планзэс, кенерлы чаклам чугун четлыкъёслэсь суредзэс гинэ но 1841-тӥ арын 5-тӥ коньывуонэ ачиз император Николай I юнматӥз: ассэ со архитектурая устолыкез туж усто валась но дунъяны быгатӥсь шуыса лыдъя вал.

1867-тӥ аре воштӥськонъёс (реформаос) ортчем бере, администраци ужъюртъёслэн юртазы заводлэн возёсъя ёзэтэз но пыӵал школаез интыяськизы, нош берпуметӥ кызь ар ӵоже, 1917-тӥ арлэсь азьло, быдэс кыкетӥ этаже Офицеръёслэн клубзы, мукет сямен «Ожгар собрание», интыяськылӥз.

Сю адямилы но ньыль ар ӵоже дышетсконлы чаклам пыӵалъя школа кылдытэмын вал 1870-тӥ аре, со интыяськиз Ожгар собрани юртлэн нырысетӥ этажаз. Та школаын пыӵал тупатъяны, ыбылон гумы, ложе лэсьтыны но пыӵалэн герӟаськем мукет ужъёсты быдэсъяны дышетӥзы, кылсярысь, гравировка лэсьтыны, дуриськыны, кортэз эголэн чеберманы, пуэз но кортэз токарной амалэн дасяны но мукет. Котькуд аре 20–25 мурт дышетскемъёс потылӥзы. Школаез йылпумъясьёслы «пыӵалъя мастер (усточи)» ним сётӥськылӥз, соосыз ожгар частьёсы но Россиысь ожгар ужъюртъёсы келяллязы.

1917-тӥ арын азьвыл Ожгар собранилэн залаз Кенешо власть вормем сярысь ялэмын вал, нош 1918-тӥ арын 21-тӥ тулыспалэ та юртын ик Ижкарысь рабочий, солдат но крестьян депутатъёслэн Кенешсылэн пуктэмезъя Иж завод «кар» шуыса нимаын вал.

Совето вакытэ азьвыл Офицерской собранилэн юртэз вылэ эшшо кык этаж будэтӥзы на, озьы ик М. Горькийлэн ульчаезлы валлин корпус ӝутӥськиз.

Страна:
Россия
Город:
Ижкар
Адрес:
Советская урам, 1
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,