Иж заводлэн командирезлэн "Генерал корка" нимо юртэз


Иван Коковихинлэн ӵектосэзъя Генераллэсь юртсэ (Генерал юртэз) 1854-тӥ аре лэсьтыны кутскизы, вуттӥзы сое 1857-тӥ арын. Татын асьсэ семьяосынызы но возёсысь юрттӥсьёсынызы Ижкарысь пыӵалъя заводлэн огзэс огзы вошъясь командиръёсыз улӥзы. Бергес соосты начальник шуыса ниманы кутскизы; чинзыя соос котьку сямен генералъёс вал.

Генерал юртэз казна коньдонэн лэсьтӥзы. Балконэн но урдэскысь кык флигельёсын кык этажъем особняк висъяськиз мукетъёсызлэсь: со асимметричной вал.

1857–1858-тӥ аръёсы XIX даурысь ӟуч классицизмлэн архитектурая синпелетэз котыре сад мерттӥзы. 1917-тӥ аре Генерал юртэ «Лэсьтӥськон бюро» интыяськиз, 1918-тӥ арлэн пумаз – ЧК, нош 1919-тӥ аре тулыс – контрразведка. 1924-тӥ аре та юрт нош ик Пыӵал заводлы выжиз, но отын «Металлистъёслэн Огазеяськонзылэн Клубзы» усьтӥськиз. 4 ар ортчыса, юрт кар кенешлы выжиз.

1936-тӥ аре юртын 27-тӥ номеро школа интыяськиз (бергес – 19-тӥ номеро). Быдӟым ожгар дыръя та юртын госпиталь вал. 1957-тӥ арысен тупатъяса вошъям юртэ «Чаляк юрттэт» («Скорая помощь») интыяськиз, нош азьвыл «генерал сад» М. Горький нимо садлэн валтӥсь люкетэз луиз.

Али юртъерын ОАО «Горький нимо сад»-лэн администраци службаосыз интыясько. 2012-тӥ аре куарусён толэзе Удмуртиысь Кивалтэт Генерал юртэз лэсьтонлы но отчы Ижкарлэн историезлы сӥзем Музей кылдытонлы коньдон висъяны ужрадъёс пуктӥз.

Страна:
Россия
Город:
Ижкар
Адрес:
Милиционная урам, 4
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,