Дун-Чылкыт Инмар Анайлэн Успение черкез


Дун-Чылкыт Инмар Анайлэн Успение черкез – со И.А. Чарушин архитекторлэн Ижкарысь одӥг гинэ асьме нуналозь вуэм лэсьтосэз.

Черкез 1911-тӥ арын Ижкарлэн шурсьӧр люкетаз, Николо-Покров шайвылэ пуктыны кутскизы, 1850-тӥ аре ӝутэм черк (часовня) интые, кудӥз Дун-Чылкыт Инмар Анайлэн Покровезлы сӥземын вал.
1916-тӥ аре 28-тӥ гудырикошконэ Дун-Чылкыт Инмар Анайлэн Успение нуналаз йылаз-пумаз вуттэм но чеберъям черкез вӧсязы.

И.А. Чарушин тужгес быгатыса ӟуч стилен ужаз бере, соин ик пу юртэз вашкала ӟуч но Пётр I эксэйлэсь азьло юнмам архитектуралы укшатӥз. Черк ӟуч «выжыкыло» тусыныз висъяське, кудӥз аспӧртэмлыко куполъёс пыр адӟиське.

Совето вакытъёсы черклэн одӥгез утисез В. А. Стефанов вылэм, 1940-тӥ аръёсы со одӥгназ Сталинэн кусып возем. В. А. Стефановлэн тыршеменыз гинэ осконлы пумит сылӥсь кивалтӥсьёс та черкез ӧз пытсалэ, солэн тыршеменыз гинэ черк туннэ нуналозь вашкала вылтусо сылэ.
Туннэ та черк Ӟуч Православ Черклэн Ижкарысь Ленин ёросын (азьло Заречной волость) одӥг гинэ юртэз луэ. Азьло сямен ик со ёрослэн лул-сюлэм центрез луэ. Али татын службаос удмурт кылын но нуисько.

Страна:
Россия
Город:
Ижкар
Адрес:
ул. Телегина, 54а
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,