"Котьку Россиен"


Удмурт но ӟуч калыкъёслэн эшъяськонзылы сӥзем синпелетэз лэсьтон сярысь малпан кылдӥз Удмуртилэн Россия пушкы пыремезлы 400 ар тырмонэз пусъён азьын. Лэсьтӥськонлы кутскон сётӥсь изэз инъязы вал 1958-тӥ арын Пушкин но Лихвинцева ульчаослэн кеӵевыл вуон интыязы, но берло, быдэсак экспланада кылдытэмен валче, синпелетэз шунды пуксён палагес выжытӥзы. Монумент усьтӥськиз 1972-тӥ аре 26-тӥ инвожое, та ужрад СССР-лэн 50 ар тырмонэзлы сӥземын вал.

Синпелет пӧрмытэмын кык валлин сылӥсь 53-метръем стелаослэсь, кудъёсыз лэсьтэмын сынӥсьтэм анданлэсь но возьмато кык эшлыко калыкъёсты – ӟучъёсты но удмуртъёсты. Стелаос герӟасько пужыё скульптура рельефен. Улӥысез рельеф сӥземын мыло-кыдо ужанлы, шоретӥез – тупаса улонлы, вылӥысез – композициез йылпумъясез – шарая калыкъёслэн огинэ луэмзы, эшъяськемзы сярысь малпанэз. Ӟуч но удмурт дӥсен кык нылкышноос, кудъёсыз Россиез но Удмуртиез возьмато, тӧласькись знамяез вылэ ӝуто. Монументлэн мукет палаз стелаос вискы интыямын геральдикаё рельеф, кудӥз возьматэ рабочийёслэсь но крестьянъёслэсь огинын луэмзэс, социализм индустриез, йӧскалык лулчеберетэз. Скульптуралэн вань люкетъёсыз лэсьтэмын горд ыргонлэсь, интыен-интыен зарниям ыргонлэсь.

Пилонъёслэн урдэсказы удмурт но ӟуч кылын гожтэмын: «Ӟуч но удмурт калыкъёслэн быдӟым вынлыко эшъяськонзылы дан».

2008-тӥ аре, Удмуртилэн Россие пыремезлы 450 ар тырмонэн валче, Монумент выльдэмын-тупатъямын вал.

Страна:
Россия
Город:
Ижкар
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,