Е.Г. Новиковлэн коркаез


Е. Новиков купечлэн коркаез XIX даурлэн нырысетӥ ӝыныяз граждан из архитектуралэн стиленыз кылдытэм юртъёс пӧлы пыре, сыӵеос Ижкарын трос кылемын ӧвӧл ни. Юртлэн кузёез 1836–1837 аръёсы тылпу дыръя сутскем пыӵал лэсьтонъя Иж заводэз ӝутонэ пыриськем, со подрядчик вылэм. 1871 арын Е. Новиковлэн нылпиосыз коркаез нимаз муртлы вузаллям. Матысь дыре татчы Ижкар-Нагорное волость кивалтэт интыяськем, татын со 1917-тӥ арысь революциозь улэм. Совето вакытэ татын типография вылэм, собере – Ижкарлэн горисполкомез.

Юртлэн архитектураяз кутӥсько классика луись композиционной амалъёс. Планэзъя Г-куарапуслы кельшись кык этажъем юрт липемын кык пала васькись липетэн. Кузялаезъя «вурӟем» нырысетӥ этаж, этажлы быдэ радъям карнизъёс, сандрикъёс – ваньмыз та ӟуч классика архитектуралэсь тусбуйзэ кылдытэ. 1960-тӥ аръёсы С.Е. Дудинлэн малпам архитектурной планэз ӧжытак воштӥськиз: шунды пуксён ласянь юрт борды склад но гараж лэсьтэмын вал. Али татын Ижкар администрацилэн дышетонъя Кивалтэтэз интыяське.

Страна:
Россия
Город:
Ижкар
Адрес:
ул. М.Горького, 69
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,