Бодалёвлэн заводэзлэн мусур пӧзьтонъя юртъёсыз


Бодалёвлэн заводэзлэн мусур пӧзьтонъя юртъёсыз – со модерн стилен лэсьтэм промышленной лэсьтосъёс, кыӵеосыз Ижкаре кылемын ӧвӧл ни.

Ужпӧръюртэз 1872-тӥ аре кылдытӥз Сарапулысь купеч И.И. Бодалёв. Нырысетӥосыз юртъёс корлэсь лэсьтэмын вал. Из корпусэз лэсьтон 1882-тӥ аре кутскиз.
Завод улысь музъемлэн кузёез Артиллери департамент вал, соин ик сое басьтыны туж шуг луиз. Кылдэм ужпумез радъян понна, И.И. Бодалёв ачиз кылдытӥз тыметэ сётскись ӝынышормуӵ, кытчы ӵапак ӝутскизы ужпӧръюртлэн корпусъёсыз.

Озьы кылдӥзы г-выллем сылӥсь кык юртъеръёс, кудъёсыз ог-огенызы выжонэн герӟаськемын но куинь этажъем башняен йылпумъясько. Нырысетӥ этаж цоколе интыяське, карниз сое висъя вылӥосызлэсь этажъёслэсь, кудъёсыз аспӧртэмлыко лопаткаосын герӟамын но липет йылын юбо амалэн йылпумъясько. Фасадлэсь туссэ котыресэсь но ньыль сэрегъем укноос кылдыто, соос «кирпич» буёло пужыен чебермамын; ваньзы та тодметъёс «модерн» стильлэн куронъёсызлы тупало.

1914-тӥ аре мерен люкам уксёлы вуж корпусэн артэ «Нагорной волость»-я водопроводлэн насосноезлы юрт лэсьтэмын вал. Кулэ техника пуктыны удалтымтэен, 1917–1924-тӥ аръёсы татчы «мерлыко вуко» интыяськиз, собере – карысь сур заводлэн цехъёсыз. 1970-тӥ аръёсы юртэз ПТУ-лы шуыса тупатӥзы, отчы интыяськизы дышетскон кабинетъёс, мастерскойёс, актовой зал но юрттӥсь службаос.

Али дыре трос малпасько, кызьы пайдаёгес луысал Бодалёв заводлэсь сур лэсьтонъя юртъёссэ уже кутыны. Азьланяз та инты луыны кулэ Удмуртилэн шоркарезлэн бадӟым но лулчеберетъя туж тодмо центрез, кытчы карысь вань егит творческой кужымъёс кыстӥськозы.

Страна:
Россия
Город:
Ижкар
Адрес:
ул. Милиционная, 3
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,