"Пельнянь" нимо кун скульптура


Йӧспӧртэмлыко скульптура – вилка вылэ бышкалтэм пельнянь – Ижкарысь Краева урамын кылдӥз 2004-тӥ аре 28-тӥ коньывуонэ, куке «Туала кар скульптура» фестивальлэн ӵошатсконэзлы йылпумъянъёс лэсьтэмын вал. Сое «Археоптерикс» группа Приволжье федерал округлэн («Волгавыл-2004-лэн лулчеберет шоркарез») «Творческая дача» галереяэныз ортчытӥз. Йӧспӧртэмлыко скульптураез дэмлаз Алексей Шкляев. Солэн «Пельнянез» бадӟым пӧрмиз: диаметрезъя одӥг метр. Бадӟым вилкаен ӵош ӝуждалаез куинь метр луиз. Ижкарысь Пельнянь – со егит художниклэн «Пельняньёслы синпелет» ӵектосэзлэн оглюкетэз, кудӥзлэсь пуштроссэ со туж огшоры валэктӥз: «Улосъёсын лулчеберетъя уж ортчытыку, кулэ луэ кыӵе ке но тодмамон пус-брэнд. Вань Мышкин нимо кар, кытын туризм быдэсак шырлэн образэныз герӟамын. Удмурт шаерлы дэмлаське таӵе брэнд: «Удмурт шаер – пельняньлэн кылдон интыез». Пумен кар пельняньлэн пӧртэм образъёсыныз тырмыны кулэ: скульптураос, синпелетъёс, клубъёсын но улонниосын пичиесь миндэръёс-пуфикъёс, туристъёслы – футболкаос, значокъёс но мукет». Малпамын вал карез кык пӧртэм синпелетъёсын тырмытыны: вилкае бырттэм пельняньёсын но музъем вылын кыллись пельняньёсын, но малпанъёс ӧжытэз гинэ быдэсмизы. Кар администрацилэн мылкыд каремезъя нырысетӥез – со ик луэ берпуметӥез но – пельняньлы синпелет Ижкарысь дано луись «Позимь» ресторан котыръёсты чеберматӥз.

Страна:
Россия
Город:
Ижкар
Адрес:
Краева урам, 35а
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,