"Ижкарысь индустри техникум" юрт


Ижкарысь индустри техникумлэн юртэз – Ижкарлэн одӥгез возьматымон интыез. Со чебер интыяськемын тыметлэн ярдураз но татысь инкуазь суредлэн висъянтэм оглюкетэз луэ. Берло аръёсы тыметлэсь дурзэ тупатъямен-выльдэмен валче та интылэн тусыз воштӥське.
Историын тодмо луэм Бодалев кожйыл ныре интыяськем юртлэсь ӵектоссэ (С.Е Дудинлэн мытэм ярдур интывылаз) 1950-тӥ аре дасяз Б.С. Чичкин архитектор, кудӥз соку гинэ Санкт-Петербургысь Репин нимо институтэз йылпумъяз вал.

1952-тӥ аре та ӵектос Ижкарын улонэ пыӵатэмын вал. Куинь этажъем куинь осьем кирпичлэсь штукатуркаен шобыртэм юрт борды трослы пичигес штукатуркатэм кык осьем заводлэн механико-металлургической техникумез но итӥськиз, кудӥз 1929-тӥ аре конструктивизм амалэн лэсьтэмын вал.
Выль юртлэн ӝытшор палась валтӥсь фасадэз пичиесь ризалитъёсын чеберматэмын но куать юбоё-колоннаё портиклэн капчиятэм суредэныз пусъемын. Бадӟым астусо корпус каньылэн адӟиське тымет вылысен но, ярдурысен но.

Азьланяз ярдуре лэсьтӥськыку но карлэсь «ву фасадзэ» кылдытыку, ӵапак та юртлэн быдӟалаез лыдэ басьтэмын вал. Индустри техникумлэн юртэз – со завод луись карлэн тодослыкезлы но техникаезлы туж ӟеч синпелет.

Индустри техникумын нимысьтыз дышетскет басьтӥзы тросэз яркытэсь пыӵал лэсьтӥсьёс (соос пӧлын ик Е.Ф. Драгунов но Г.Н. Никонов), озьы ик Ижкарысь нырысетӥосыз прибор лэсьтӥсьёс, артиллери понна лыдъяськон машинаосты кылдытӥсьёс. Кема аръёс ӵоже техникум вал Ижкарысь заводъёслы пыӵалъя ӧнерчиосты дасянъя нырысетӥез ёз.

2010-тӥ аре 1-тӥ толшорысен Индустри техникум 17 номеро Профессионально-технической училищелэн юртаз выжтэмын вал. Берпуметӥосыз дышетскисьёс техникумлэн юртысьтыз 2010-тӥ аре 27-тӥ оштолэзе кошкизы.

Тымет дурез тупатъянэн-выльдонэн валче Индустри техникумлэсь юртсэ азьланяз кызьы кутон сярысь юан кылдӥз. Дэмлало азьвыл Индустри техникумлэн тупатъям юртаз кузпалъяськонэз пусъёнъя выль зал лэсьтыны яке лул-чеберетъя Мерлыко центр кылдытыны.

Страна:
Россия
Город:
Ижкар
Адрес:
Милиционной урам, 5
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,