Ижсталь заводлэн улон юртъёсызлэн огъетсы ("Кирхе коркаос")


Ижстальзаводлэн улон юртъёсызлэн огъетсы Ижкарлэн шораз 1926–1928-тӥ аръёсы кылдӥз, Советской, Труд (али Ленин), Горд (Красной) но К.Маркс урамъёсын пӧрмытэм кварталын.

Завод кивалтэт ужасьёслы излэсь куинь этажъем 6 юрт ӝутӥз – вуж пу коркаос но азьвыл лютеран черк интые, кудзэ лэсьтонэ 1872-тӥ аре Ижкарысь православнойёс но пыриськизы вал. Соос, дунтэм дунын кирпич но лэсьтӥськон материал висъям сяна, «асьсэ немецъёссылы» ужаса поттэм коньдонэнызы но юрттӥзы. Куинь этажъем выль юртъёс Ижкарысь нырысетӥосыз коммунал улонниосын юртъёс луизы.
Бергес, 1934-тӥ аре, юртъёсты кык этажлы йылтӥзы на, но соос вить этажъемесь луизы. 1930-тӥ аръёслэн кутсконазы «Кирхеысь юртъёс» зэмос «небоскребъёс» вал но карлэн историлыко центраз соос валтӥсь инты басьтӥзы, угось Александро-Невской соборлэн гырлыжугонниез но куполэз та аръёсы куашкатэмын вал.

Ижстальзаводлэн улон юртъёсызлэн огъетсы, кудӥз бушатэм интыын ӝутэмын вал, архитектураезъя та вакытэ Германиын (кылсярысь, Гамбургын но Бременын) лэсьтэм улон юртъёслы тупа. «Кирхе коркаос» ёросын 1945-тӥ аре куартолэзьысен кутскыса немец ӧнерчиос улӥзы, кудъёсыз вормем Германиысь ваемын вал. Соос пӧлысь тужгес тодмоез Гуго Шмайссер вал, кудӥзлэн нимыз тодмо немец автоматлы сётэмын.
«Кирхе коркаос» ним калык пӧлы ӧз пыӵа, Ижкарын улӥсьёс быдэс та ёросэз «Сю дас одӥгетӥ» шуо, автобуслэн номерезъя, кудӥз та дугдылонниысь Ижкар аэропортэ мынэ.

Страна:
Россия
Город:
Ижкар
Адрес:
Горд (Красной) урам, 154, 156, Советской урам, 2, К.Маркс урам, 173,175
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,