Инмар Анайлэн "Казанской" обросэзлы сӥзем храм


Ижкарысь Казанско-Богородицкой черк – православной черк, Ижкар но Удмурт епархилэн катехизисэз но христиан осконэз дышетонъя Ёзэтэзлэн инъетэз.

1994-тӥ аре куке но татын чебер сылэм Дун-Чылкыт Михаиллэсь соборзэ ӝутон сярысь вылӥысь паймымон индылэт басьтыса, Ольга Федоровна Зорина Николай архиепископлы вазиське но солэсь бакельзэ басьтэ. Со вакытэ О.Ф. Зорина Михайловской гурезь улын сылӥсь карысь мунчо-дӥсьмиськонъя возёслэн кивалтӥсез вал.
1994-тӥ аре ик сӥзьыл, кар кивалтэтлэн пуктэмезъя, Ижкар но Удмурт епархилы музъем висъямын вал, Попечительёслэн кенешсы кылдытэмын. 1998-тӥ арозь та кенеш, С.В. Чикуровлэн но О.Ф. Зориналэн кивалтэмзы улсын, соборлы фундаментъёслэсь интызэс но ӟечлыксэс эскерон вылысь гудӥськон-утчаськон ужъёс радъяз. Та дыре ик Казанской черклэн инъетэз но цоколь люкетэз лэсьтэмын вал. Коньдон быремен валче, О.Ф. Зорина объектэз утён но лэсьтӥськонэз кык арлы дугдытон ужъёсты радъяз.
Уж выльысь азинскиз Элькунысь Попечительской кенеш кылдытэм бере, кудӥныз кивалтӥзы Николай архиепископ но Удмурт Элькунлэн Азьмуртэз А.А. Волков. 1998-тӥ аре соос ужпум пуктӥзы – Казанско-Богородицкой храм лэсьтонэз матысь дыре йылпумъяно но со бӧрсьы Дун-Чылкыт Михаиллэсь соборзэ ӝутоно.
Нырысь-валысь храмез часовня карыны малпамын вал, но пумен сое бадӟымгес, туала быдӟалаеныз, пуктыны кариськизы. Храмез лэсьтонлы нырысетӥосыз инъет изъёс Иж тыметысь ваемын вал.
Храм 2001-тӥ аре 4-тӥ шуркынмонэ усьтӥськиз.
Али Казанско-Богородицкой черкын арня школа но христиан осконэз дышетонъя Ёзэтлэн инъетэз интыясько. Ижкар но Удмурт епархиысь та одӥгез гинэ храм, кытын арня нуналъёсы литургия удмурт кылын нуиське. Храмлэн тужгес данъян святыняосыз луо – Дун-Чылкыт ожгарчилэн Феодор (Ушаков) Санаксарскийлэн, Дун-Чылкыт Филарет Московскийлэн лы-сьӧмъёссылэн люкетъёссы но Инмар Анайлэн «Эмъясь» обросэз.

Страна:
Россия
Город:
Ижкар
Адрес:
Маркс урам, 220
09.07.2013
Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,